Yaxşı yadımdadır. Bir gün professor dostumuz, Həkəri qəzetinin fəxri heyətinin üzvü Əli Rəcəbli dedi: Rauf, həkim dişimi elə düzəldib ki, damağın ağrıyır, çörək yeyə bilmirəm.Dedim ki gəl səni aparım bir dostumuzun yanına. Azərbaycanda onun kimi protez diş hər kəs düzəldə bilmir.Şunasib həkimə dərhal zəng etdim . Dedi ki, bir taksiyə əyləşib gəlin .
Şunasib həkim bizi adəti üzrə çox mehriban qarşıladı.
Məsələdən halı olandan sonra Əli müəllimin damağın yoxlayıb dəqiq ölçüləri götürərək dedi: Əli müəllim. Sabah , elə bu vaxt gələ bilərsinizmi?
Səhəri gün professor təzə protez dişlərini damağında keçirdərkən dedi: Bu başqa məsələ.
O birisi protez çörək yeyərkən tez- tez ağzımdan düşürdü.
Hər kəs həqiqətən də öz sənətini mükəmməl bilərsə, cəmiyyətə , insanlara daha çox fayda verə bilər.
Öz peşəsini sevən insanlardan biri haqda söhbət açmaq istəyirəm.
Şunasib Xasay oğlu Mehdiyev 1946 - cı ilin iyun ayının 6- da Ağdam şəhərində ziyalı ailəsində anadan olub .
Atası Xasay Mehdiyev uzun illər Ağdam Dövlət Dram Teatrında baş rəssam vəzifəsində çalışıb ..
Təcrübəli rəssam - fotoqraf işləyib.O dövrdə çox adamda fotoaparat olmadığı illərdə necə - neçə məşhur insanlar Xasay müəllimin timsalında yaddaşlara həkk olunub. Şunadibbdə yeniyetmə vaxtlarından arasında fotoqraf sənətində öyrənib.
Şunasib Mehdiyev Ağdam şəhər 1 - nömrəli orta məktəbi bitirdikdən sonra hərbi xidmətə çağırılıb.
İki illik hərbi xidmətini başa vurduqdan sonra imtahan verərək Saratov Tibb İnstitutuna qəbul olmuş və 1973- cü ildə ali təhsilini müvəffəqiyyətlə başa vuraraq stomatoloq - həkim ixtisasına yiyələnmişdir.
Saratov vilayətinin Balaşov şəhər xəstəxanasında iki il həkim- stomatoloq işlədikdən sonra öz xahişi ilə təyinat alaraq doğulduğu Ağdam şəhərinə qayıdir və şəhər poliklinikasında, eyni zamanda Ağdam rayon Ruhi xəstəxanasında da
Ağdam şəhəri işğal olunduğu günə qədər (1993- cü il) həkim - stomatoloq vəzifəsində ləyaqətlə işləmişdir.
Qarabağ müharibəsi başlayan gündən könüllü olaraq Daxili İşlər Nazirliyinin batalyonlarında həkim- terapev kimi fəaliyyət göstərmiş və neçə - neçə yaralı əsgərlərimizə tibbi yardım göstərməklə top mərmiləri altında dəfələrlə ölümlə üz - üzə gəlmişdir.
Ağdam şəhərinin işğalı Şunasib həkimi çox sarsıtmışdı.
1993- cü ildən Bakının Yasamal rayonunda öz sənəti üzrə bu gün də məşul olmaqla insanların sağlamlığı keşiyində dayanan Şunasib Mehdiyevin fəaliyyəti barədə tanınmış yazıçı-publisist ,jurnalist Surxay Əlibəyli
" Qibləgahim Ağdamim" kitabında ətraflı bəhs etmişdir.
Şunasib Mehdiyevin digər sənəti də foto və kino operatordur.
Şunasib həkimin qardaşı Rəfael Mehdiyev Saratovda həkim- stomatoloq, bacısı Yeganə Məmmədova isə Qazağistanın Alma- Ata şəhərində həkim- stomatoloq, qızı Adilə Ağayeva da həkim- stomatoloqdur .
Şunasib həkimin qardaşı qızı Röya Mehdiyeva Bakıda , bacısı oğlu Aydın Məmmədov da Saratovda həkim işləyir .
Şunasib Mehdiyevin ömür-: gün yoldaşı Gülzar Muxtar qızı Mehdiyeva Bakı Maliyyə Kredit texnikumunu bitirdikdən sonra Ağdam şəhər Maarif şöbəsində uzun illər mühasib vəzifəsində ləyaqətlə işləmişdir.
1993- cü ildə Ağdam şəhəri işgal olunduqdan sonra Mehdiyevlər ailəsi Bakıya pənah gətirmişlər. Şünasib həkim ömür - gün yoldaşı ilə birlikdə övladlarını vətənpərvər ruhda böyütmüşlər.
Onların üç övladı , 6 nəvəsi var.
Hazırda səhhəti ilə əlaqədar 2- ci qrup əlil olan Şunasib həkim həmişə söhbət düşəndə deyir;
- Bizim övladlarımız, 44 günlük vətən müharibəsində xalqımızın qürurunu özlərinə qaytardılar.
Erməni quldurları tərəfindən işğal olunmuş torpaqlarımız şəhidlərimizin qanı, canı bahasına azad edildi.
Biz ömrümüz boyu şəhidlərimizə borcluyuq. Allahdan cəmi şəhidlərimizə rəhmət diləyir, yaralı əsgər və zabitlərimizə, vətənini sevən hər kəsə , xalqımıza can sağlığı arzulayıram.
28 illik Ağdam həsrətindən, Şuşa
nisgilindən, Qubadlı intizarından, Kəlbəcər ağrısından, Ağdaban faciəsindən , Laçın ayrılığından , Xocalı soyqırımından , Füzuli müsibətindən, Zəngilan dərdindən , Cəbrayıl itkisindən nə qədər insanlarımız dözməyərək Atəşkəs dövründə dünyasını dəyişiblər.
Şəhər və kəndlərimizi köçəri tayfa olan erməni dığaları vəhşicəsinə dağıtsalar da , şanlı ordumuz Ali Baş Komandanımızın rəhbərliyi altında işğalçı , həyasız, məkirli erməni quldurlarını dədə- baba yurdumuzdan iti qovan kimi qovdular.
Doğulduğum Ağdam
üçün çox darıxmışıq."
Onu da qeyd edim ki,
Şunasib həkimin oğlu Təhmasib və nəvələri İnci və Ayaz da bu günlərdə Qarabağa getməyə hazırlaşırlar.
Şunasib Mehdiyevin iş yerinə yenə də dostları yığılır, çay süfrəsi ətrafında Qarabağlı günlərimizi yada salırıq. Eldar İsmayılovla, Sahib Sayılovla, Nazim Fərzəliyevlə , Mahir Qarayevlə, Mahir Kərimovla, Tahir və Zahid Qarayev qardaşları ilə sevimli aktyorlarımız Ramiz Əzizbəyli və Arif Quliyevlə gah zəngləşib hal- əhval tutur, söhbətləşir,. gah xatirələri yada salaraq Ağdamlı günlərimizdə qayıdırıq.
Bu gün ruhlar şəhərinə çevrilmiş yurdumuzu görəndə erməni quldurlarına qarşı nifrətimiz daha da artır .
Şunasib həkim bildirir ki, tezliklə siz dostları Şuşada xəngələ qonaq edəcəyəm.
Söhbət əsnasında dostlara mən də söz vermişəm ki, Allah qismət eləsin, inşallah gedək Həkəri çayımızın el - obamıza laylay çalan həzin şırıltısına qulaq asaraq tükənmək bitməyən və dadı damağımızdan getməyən qızıl və göy balığından sizə kabab qonaqlığınsoz verirəm.
Bu arzumu hər bir oxucumuza qismət eləməsini arzulayıram.
Dosta sədaqətli, vətənpərvər Mehdiyevlər ailəsinə can sağlığı arzulayıram və bir vaxtlar yazdığım şeirlə sözümü hələlik tamamlayıram :
Ağdamlı günlərə qayıdaq , Allah !
Arzular insanın qəlbinə doğar,
Yatan millətimi oyadaq, Allah !
Arzular insanın dərdin də boğar,
Ağdamlı günlərə qayıdaq , Allah!!
Məni öz elimə ruhum çağırır,
O doğma yurduma nəfəs alıram.
Dən düşmüş saçlarım vaxtsız ağarır ,
Gənclik illərimi yada salıram.
Şərikəm xalqımın dərd azarına,
Ordum zəfər çalsın, dözüm , ay Allah!
Atamın uyuyan tək məzarına,
Bir dəstə gül- çiçək düzüm, ay Allah!
Bahar nəğməsini duymaq istəyən,
Alsın gül ətrimi ətirli güldən.
Raufu axtarsa, əgər dostları,
Onu xəbər alsın nəğməli dildən .
Rauf İLYASOGLU
