Türkiyənin Fethiya şəhərindən gəlmiş "Könül yolcuları" marafonunun başqanı Çoşkun Karabulut başda olmaqla 17 nəfər qələm sahibləri Nuru Paşanın komandanlığı ilə Bakının erməni daşnaklarının işğalından azad olunmasının 103 ildönümü ilə əlaqədar Azərbaycana gəlmişlər. 1918- ci ildə Bakı və ətraf rayonlarımız erməni ingilis və rus işğalından azad olunmuş, 1000 nəfərdən çox türk əsgəri şəhid olmuşlar.
Qonaqlar öncə Şəhidlər Xiyabanını, eləcə də Türk abidəsini ziyarət etdilər və cəmi şəhidlərimizin xatirəsi ehtiramla yad edildi.
Azərbaycanın görməli yerlərini gəzən qonaqlar bir çox görüşlər keçirdilər və xalqımızın bir daha qonaqpərvərliyinin şahidi oldular.
Növbəti görüş Azərbaycan Nəşriyyatında Azərbaycan- İraq Mədəni Əlaqədar ictimai birliyinin sədri Tahirə Məmmədovanın təşkilatçılığı ilə Azərbaycan və Türkiyə yazıçı və şairlərinin iştirakı ilə baş tutdu.
Ölkəmizin və qardaş Türkiyənin dövlət himnləri səsləndirildikdən sonra şəhidlərimizin xatirəsi bir dəqiqəlik sükutla yad edildi.
Tahirə Məmmədova iştirakçıları bir daha salamladı və Türkiyə Azərbaycan dostluğundan,
qardaşlığından ətraflı söhbət açdı.O , bildirdi ki,103 il əvvəl Türk İslam ordusu başda Nuru Paşa olmaqla Azərbaycanı rus bolşevik və erməni daşnaq qruplaşmalarından, ingilis təcavüzündən xilas etmişdir.44 günlük Vətən müharibəsində bizə qardaş yardımı göstərən Türkiyə Azərbaycan dostluğu , qardaşlığı daimi və əbədidir.
"Könül yolcuları" platformasının başkanı, şair Coşkun Karabulut və həmin təşkilatın Azərbaycan üzrə təmsilçisi Nazilə Gültac ürək sözlərini dedilər və iştirakçılara təşəkkürlərini bildirdilər.
Tədbirdə televizyon sunucusu Cəlal Bozkurt , Yusif Ziya Yılmaz, Turgay Dəyirmançı, Serial Beyargül, Hacıbayram Aslandaş, Şəfəq Ehmeddəniz, Serial Beyargül ,Zəhra Səlcuq Üçgül, Zəhra Selçuk İncəgul,Nazilə Gültac ,Üzeyir Gulec,
Hacı İntiqam, Əyyub Şırlanlı, Rauf İlyasoğlu,Elçin Məmmədov, İradə Məlikova, Püstə Rəvan, Elmira Aslanxanlı , Sevda İbrahimova, və başqaları çıxış etdilər.
44 günlük vətən müharibəsinə həsr olunmuş möhtəşəm şeirlər səsləndi.
Qarabağ müharibəsi qazisi ,əslən Lerik rayonundan olan Üzeyir Məmmədovun çıxışı alqışlarla qarşılandı.
Görüş yüksək dostluq körpüsünü dahada möhkəmləndirdi, belə tədbirlərin əhəmiyyəti vurğulandı.
AİMƏİB - nin sədri Tahirə Məmmədova Türkiyədən gəlmiş dostları təşkilatın adından Fəxri Diplomla mükafatlandırdı.
Tədbirdən sonra xatirə şəkilləri çəkildi və şirniyyat süfrəsi təşkil olundu.
Yaşasın Azərbayçan -Türkiyyyə qardaşlığı.
Rauf İlyasoğlu.
“XeberTıme.az”