Yeni il bayramı ilə əlaqədar qeyri-iş günlərini ekspert açıqlayıb.
31 Dekabr - Dünya Azərbaycanlılarının Həmrəylik günü, 1, 2 yanvar isə bayramla əlaqədar olaraq qeyri-iş günüdür.
XeberTıme.az Metbuat.az -a istinadən xəbər verir ki, bununla bağlı açıqlama verən ekspert Ağamusa Səfiyev Yeni il bayramı ilə əlaqədar Əmək Məcəlləsinə əsasən qeyri-iş günlərini sadalayıb:
“31 dekabr -1 yanvar şənbə və bazara təsadüf edir. Yanvarın 2-si isə zatən bayram günü kimi qeyd edilir. Əmək Məcəlləsinə əsasən yanvarın 3-ü və 4-ü də qeyri-iş günü olacaq. Yəni 31 dekabr və 1 yanvar avtomatik olaraq yanvarın 3 və 4-nə keçirilir. Beləliklə, Yeni il bayramı ilə əlaqədar 5 gün ardıcıl (31 dekabr, 1, 2, 3, 4 yanvar) iş olmayacaq”, - deyə ekspert qeyd edib.
Qeyd edək ki, Nazirlər Kabinetinin hələki Yeni il bayramı ilə əlaqədar qeyri-iş günləri barədə açıqlaması yoxdur.
“XeberTıme.az”