10 dekabr 2025-ci il tarixində Əzim Əzimzadənin Mənzil Muzeyində, Ümummilli Lider Heydər Əliyevin anım günü ilə əlaqədar, muzeyin, Cəfər Cabbarlı Mənzil-Muzeyinin birgə təşkilatçılığı ilə anım tədbiri keçirildi.Tədbirdə Azərbaycan Respublikası Milli Məclisinin deputatı Nigar xanım Məmmədova, Müasir innovasiyalar litseyin direktoru Sevinc Vaqif qizi, müasir innovasiyalar litseyinin pedaqoqu Surə İbrahimova, C. Cabbarlı ev muzeyinin direktoru Qəmər Seyfəddin qizi, Ordubadi muzeyinin rəhbəri Rasimə Əhmədova, Sübhnur TM rəhbəri Gülnarə Hüseynova və digər dəyərli qonaqlar Ulu Öndərin zəngin həyat yolu və çoxşaxəli siyasi fəaliyyətindən bəhs edən çıxışlarla yadda qaldılar.
Tədbir çərçivəsində Dünya məktəbinin və Müasir İnnovasiyalar Litseyinin təsviri incəsənət müəllimi Surə İbrahimovanın şagirdləri tərəfindən hazırlanmış rəsm əsərləri nümayiş olundu. Əsərlərdə Ulu Öndər Heydər Əliyevin irsi, Şuşa və Qarabağda qələbəmizin simvolu olan üçrəngli bayraq, qəhrəman əsgərlərin obrazları, eləcə də Zəfərimizin rəmzi “Xarı bülbül” motivləri əks olunmuşdu.
Mərkəzin metodisti sərgidə təqdim olunan əl işləri və muzeyin eksponatları barədə millət vəkilinə, şagirdlərə və digər qonaqlara ətraflı məlumat verdi.
Tədbir bədii proqramla davam etdi. Sonda bütün iştirakçılar muzey rəhbərliyi və təşkilatçılar tərəfindən təşəkkürnamə ilə təltif olundular. 
XeberTıme.az