Bu günlərdə Şüvəlanda yerləşən istirahət mərkəzində dahi şair , mütəfəkkir Şeyx Nizami Gəncəvinin anadan olmasının 880 illiyi ilə bağlı ədəbi bədii, musiqili gecə keçirilmişdir.
Tədbir iştirakçıları əvvəl qəsəbədə ucaldılmış dahi şairin heykəlni ziyarət edib , gül- cicək dəstəsi düzdülər.
Xeyriyyəci Hacı İntiqamın təşkilatçılığı ilə keçirilən tədbiri ilahiyyatçı tədqiqatçı,1 ci qrup Qarabağ qazisi Hacı Həsən Hüseyni açdı və ilk öncə şəhidlərimizin xatirəsi bir dəqiqəlik sükutla yad edildi.
Hacı Həsən Hüseyni Nizami Gəncəvi yaradıcılığı haqqında geniş və məntiqli çıxış etdi.
Buzovna Cümə məscidinin axundu Hacı Soltan aga Nizami Gəncəvinin geniş və çoxşaxəli yaradıcılığından danışdı, şeirlərindən sitat gətirməklə təhlili çıxış etdi.
Sonda o,tədbir iştirakçılarına dahi şairin portreti həkk olunmuş müxtəlif hədiyyələr təqdim etdi.
Yazıçı, tədqiqatçı, şair Sona Xəyal Nizami Gəncəvi yaradıcılığından söhbət açdı və ustad qəzəlxan Hacı Mail, Ənvər Nəzərli, füzulişunas Həkim Qəni, eləcə də Ramiz Əzizbəyli ehtiramla yad edildi.
Tədbirdə Azərbaycan İraq Mədəni Əlaqələr ictimai birliyinin sədri Tahirə Məmmədova Nizami Gəncəvinin nəsihətamiş şeirlərindən sitat gətirdi, İraq səfərindən maraqlı xatirələr söylədi və məclisin təşkilatçısı Hacı İntiqamı təşkilatın adından fəxri diplomla təltif etdi.
Qəzəlxan şairlərdən Gülbala Fənai Nizami Gəncəvinin 880 illiyi ilə bağlı bu gözəl məclisi təşkil etdiyinə görə Hacı İntiqama həsr etdiyi qəzəli oxudu.
Tədbirdə şairlər şeirlər söylədilər, tanınmış xanəndələr muğam və təsniflər ifa edərək məclisə xoş ovqat qatdılar.
Tədbirin aparıcısı Hacı Həsən Hüseyni məclis iştirakçılarına və xüsusilə bu gecəni təşkil edən Hacı İntiqama təşəkkürünü bildirdi.
Sonda dahi şairimiz Nizami Gəncəvi yaradıcılığından bəhs edən "Həkəri" qəzeti bir qrup ziyalılara təqdim olundu və xatirə şəkili çəkildi .
Rauf İlyasoğlu