Şirinov Tale Qadir oğlu 1990 - cı ilin noyabr ayinin 20 - də Qəbələ rayonunun Çuxur Qəbələ kəndində zəhmətkeş bir ailədə dünyaya gəlib.Orta məktəbi təzəcə bitirdikdən sonra hərbi xidmətə çağırılmışdı.
01. 06 2016- cı ildə hərbi qulluğunu Murov dağında hərbi hissədə manqa komandir və kiçik çavuş rutbəsiylə başa vurmuşdur.
Bir müddət fəhləlik etmişdir.
Tale kiçik yaşlarından atasını itirmişdir.
Evin son beşiyi idi.
2018- ci ildə ailə həyatı qurmuşdur.
2019 - cu ilin iyul ayının 9 - da bir oğlu dünyaya gəlmiş və tez də rəhmətə getmişdir. Oğlunun ölümü onu çox kədərləndirsə də, 2020-ci lin iyulun 3 də ikinci oğlu dünyaya gəlmişdir. Tale ciyərparasının adını Mərd qoymuşdu.
Mərdanə baxışlı Talenin sevincinin həddi- hüdudu yox idi.
Bu sevinc də çox uzun çəkmədi.
21 .09. 2020- ci ildə Tale yenidən orduya çağırılır. Oglu Mərd iki aylıq idi.
Tale Şirinov 08. 10 . 2020 - ci ildə Tərtər rayonunun Madagiz deyilən ərazisində təcavüzkar düşmənə qarşı döyüşlərin birində qəlpə yarası alır.
Düşmən hücumunun qarşısını alarkən qəhrəmancasına həlak olur , şəhilik zirvəsinə ucalır.
Ailəsi ilə axırıncı dəfə oktyabrın 5 -də danışır; "Oğlumdan muğayat olun , tezliklə qayıdacağam" - deyir.
Lakin evinə , ailəsinə şəhid xəbəri gəlir. Tale Şirinov şəhid olarkən oğlu Mərd cəmi üç aylıq idi.
Tale doğulduğu Çuxur Qəbələ kəndində dəfn olunur.
Balasından, vətənindən doymayan şəhidimiz əbədiyyətə qovuşur. Ruhun şad olsun, Tale. Adın kimi talehin də nisgilli oldu. Amma sən vətən uğrunda qısa, lakin şərəfli bir ömür sürdün. Şəhidlər Rəbbimin dərgahına ucalmış Allahın ən sevimli bəndələridir.
PS. Bu günlərdə Qəbələ rayonunda olduq. Şəhid ailələri ilə görüşdük.
Dövlətimiz, xalqımız hər zaman şəhidlərimizin adını uca tutur.
Azərbaycan Pespublikasinin Prezidenti İlham Əliyevin Sərəncamına əsasən Tale Qadir oğlu Şirinov ölümündən sonra ":Vətən uğrunda " medalı ilə təltif olunur.
Şəhidlər qürurumuzdur. Şəhid ailələrinə, şəhid övladlarına, şəhid atalarına, şəhid analarına hər birimiz diqqət və qayğı göstərməliyik.
Onlari fikir etməyə qoymamalıyıq, dərdlərini az da olsa azaltmağa çalışmalıyıq. Hər zaman şəhid ailələrinin problemlərinin həllinə çalışmalıyıq. Cunki, biz hər birimiz şəhidlərimizə borcluyuq
Vaxt gələcək Mərd balamız böyüyəcək , təhsil alacaq , ailə sahibi olacaq və övladlarına atasının qəhrəmanlığından iftixarla söhbət açaraq deyəcəkdir; -"Mənim atam igid, cəsur və qəhrəmandır."
Rauf İlyasoğlu.
