Bu günlərdə Azərkitab-Kitab Mərkəzində şəhid atası Haci Əkbər Rüstəmovun növbəti "Vətən" kitabının təqdimat mərasimi keçirilmişdir.Tədbiri yazıçı, tədqiqatçı Nazim Taptıqoğlu açdı və cəmi şəhidlərimizin xatirəsi bir dəqiqəlik sükutla yad edildi. Nazim müəllim müəllifin Qarabağ gündəliyi əsasında sənədlərlə yazılmış kitab haqqında ətraflı məlumat verdi və əhəmiyyətindən danışdı.
Onu da qeyd edək ki, kitabın redaktoru, Əməkdar jurnalist Elşən Əliyevdir.
Şair- publisist Şahlar babanın Hacı Əkbərin oğlu şəhid Sənan balamıza həsr etdiyi kitabın da təqdimat mərasimi keçirildi.
Millət vəkili Aqil Abbas, Qarabağ Azadlıq Təşkilatının sədri Akif Nağı, "Müsavat" qəzetinin baş redaktoru Rauf Arifoğlu, komandir müavini Faxrəddin Rəcəbov, həkim- şair Zakir Ağdamlı, şair-publisist German, Qarabağ qazisi Natiq Fətəliyev, şəhid Adəm Əliyevin anası Akifə xanım, QHT rəhbəri Mehriban Abdullayev, Qarabağ qazisi Rəy Kərimoğlu şəhid ailələri, veteranlar və bu səfirin müəllifi hər iki kitab haqqında öz fikirlərini bildirdilər. Vurğulandı ki, belə vətənpərvər mövzulu kitabların orta məktəb dərsliklərinə salınması vacibdir.
Sonda Hacı Əkbər cəbhə xatirələrindən, 44 günlük müharibədə şanlı ordumuzun qələbəsindən iftixarla danışdı və tədbir iştirakçılarına təşəkkürünü bildirdi.
Sonra tədbir iştirakçılarına kitablar hədiyyə edildil.
Rauf İlyasoğlu
“XeberTıme.az”
