Yazıçı-publisist Rauf İlyasoğlunun 2011-ci ildə çap olunmuş "Dostlara dost töhfəsi" adlı kitabında yer almış Şuşanın azadlığı və ərazi bütövlüyü uğrunda canını fəda etmiş və adı əbədiləsdirilməsə də , xalqımızın qəlbində əbədi yaşayan igid sərkərdə Mikayıl Qoca oğlu Gözəlovun əziz xatirəsinə:
Sözlərinin vurğunuyam
Qaçqınlara düzün deyən,
Düşmənlərə sözün deyən.
Ürəyimə dözün deyən,
Sözlərinin vurğunuyam.
İtirmişdik biz Şuşanı,
Mikayıl tək qardaşımı.
Könlümuzdə bir nişanı ,
Qalmasının vurğunuyam.
Qəbrin qazdın can azarın,
Şəhidlər qalan məzarın.
Ürəyimdə ahu- zarın,
Qovmasınin vurgunuyam.
Seyid, Cabbar nəfəsinin,
Şirin dilin nəğməsinin.
Xanın coşan gur səsinin,
Nəfəsinin vurğunuyam.
Sel qovuşsa, vüsal dəmi,
Könlümün yox olar qəmi.
Ürəklərə nəğmə kimi ,
Axmasının vurğunuyam .
Rauf İlyasoğlu
2010 cü il
Şaxtada boranda yurdu qoruyan,
igid əsgərlərə salamlar olsun,
Vətənə, elinə satqın çıxanın,
Namərdə, alcaga görüm ar olsun.
Dözür əsgərlərim şaxtalı qışa ,
Qar necə çiləyir üz, gözə , qaşa ,
Kecərsiz məclisdə hər zaman başa,
İgid ordumuza salamlar olsun.
Qoruyun hər zaman soyuq ,küləkdən,
Gözləyin erməni quran kələkdən,
Sizi qoruyacaq bil ki mələkdən ,
İgid əsgərlərə salamlar olsun .
Rauf İlyasoğlu
06 dekabr 2020