Şəhid Əliyev Həbib Fərhad oğlu 1959-cu il dekabırın 12-də Qərbi Azərbaycanın Zəngibasar rayonunun Qaraqışlaq kəndində zəhmətkeş bir ailədə anadan olmuşdu.
Orta təhsilini də elə həmin kənddə almışdı . Sonra ailəsi ilə birlikdə Goranboy rayonunun Qaradağlı kəndinə köçmüşdülər.
Həbib Goranboy rayonundan hərbi xitmətə çağırılmışdi.
2 il hərbi xidmətini Macarıstanda keçdikdən sonra vətənə qayıtmışdi. 1983- cü ildə Bakı şəhərinə gəlmiş və imtahan verərək Azərbaycan Bədən Tərbiyəsi və İdman İnsitutuna qəbul olmuşdu. Həbib idmanla mütəmadi məşğul olduğu üçün çox çevik idmançı idi.
1988 - ildə mənfur düşmən torpaqlarımızı işğal etməyə başlayanda Həbib də dözə bilməyib iki körpə övladını ömür gün yoldaşı Qızbəs Vəliqızına tapşırıb torpaqlarımızın müdafiəsinə qalxdı.
Vətəni qorumağı hər şeydən üstün tutan Həbib Əliyev Goranboy rayonunda özünü müdafiə bataliyonunu yaradanlardan biri oldu .
Könüllü dəstələr yığıb rayonun müdafiəsinə qalxdılar.
1990- cı ildə Goranboy rayonunda könüllülər batalıyonu yarandı. Həbib bataliyon komandirinin müavini idi. Bütün döyüşlərdə öndə gedirdi.
Şaumiyan (indiki Ağcakənd) rayonunu düşməndən azad etməkdə xüsusu fərqlənmişdi. O vaxt qızğın döyüşlər gedirdi.
Bu igidlərin səyi sahəsində Goranboy rayonu düşmənə bir qarış da torpaq vermədi. 1992- ci ildə Ağdərə rayonu uğrunda qızğın döyüşlər gedirdi. Gecə ikən onları mühasirəyə alan düşmənə qalib gələrək mühasirəni yarıb çıxmışdılar. Həmin döyüşlərdə 2 əsgər şəhid olmuşdu.
Şəhidlərimizin cəsədlərini götürmək üçün yenidən döyüşərək geri dönmüşdülər.
Şəhidimizi mühasirədən çıxararkən Həbibb Fərhad oğlu snayper gülləsinə tuş gələrək şəhid oldu. 1992-ci il 19 iyulda şəhidlik zirvəsinə ucalan cəsur komandirin məzarı Goranboy rayonunun Qaradağlı kəndindədir.
Həbib Əliyevin ömür - gün yoldaşı Qızbəs Vəliqızı iki oğlunu vətənpərvər ruhda boyutmuşdur. Onu da qeyd edim ki, Qızbəs xanım istedadlı şairdir.Bu günlərdə bu sətirlərin müəllifinin redaktorluğu ilə şəhid qəhrəman Həbib Əliyevin xatirəsinə həsr etdiyi şeirlər kitabını çap etdirmiş və geniş oxucu rəğbəti qazanmışdır.Səhidlərimizdən nə qədər yazsaq ,yenə də azdır.Axi biz şəhidlərə görə rahat təhlükəsiz yaşayırıq.
Allahdan cəmi şəhidlərimizə rəhmət diləyirik.
Rauf İlyasoğlu.