Sentyabrın 9 da Respublika Müharibə, Əmək və Silahlı Qüvvələri Veteranlar Təşkilatının iclas zalında Azərbaycan Respublikasının Milli Məclis sədrinin müavini, Gənclər və İdman Komitəsinin sədri Adil Əliyev tərəfindən" Hər kəs məktəbə" şüarı altında xeyriyyə tədbiri təşkil olunmuşdur.
Nərimanov rayon seçicilərinin, şəhid ailələrinin, qazı övladlarının, müharibə veteranlarının, məktəblilərin iştirakı ilə keçirilmiş tədbiri Nərimanov rayonundan seçilmiş millət vəkili Adil Əliyev açaraq iştirakçıları salamladı.
Sonra Dövlət himnimiz səsləndirildi. Vətənimizin azadlığı və ərazi bütövlüyü uğrunda şəhid olmuş cəmi soydaşlarımızın xatirəsi bir dəqiqəlik sükutla yad edildi.
Adil Əliyev məktəblilərə təhsil həyatında uğurlar arzuladı və bildirdi ki bu günki tədbirdə qazı və şəhidlərimizin övladları, habelə 150 məktəbli ilə yeni dərs ilinin başlanması ərəfəsində görüşürük.
Siz məktəblilərin təhsil almaları, yaxşı oxumaları və savadlı gənc nəslin yetişməsi həmişə Prezidentimiz, Müzəffər Ali Baş komandan İlham Əliyevin və Birinci Vitse - prezident Mehriban xanım Əliyevanın diqqət mərkəzindədir.
Natiq vurğuladı ki təhsil və təlim - tərbiyyə məsələsini hər bir vətəndaş,hər bir məmur özünün mənəvi borcu hesab etməlidir.
Tədbirdə Müharibə, Əmək və Silahlı Qüvvələri Veteran Təşkilatının sədri Cəlil Xəlilov çıxış edərək hər zaman seçicilərinə diqqət və qayğı göstərən ,imkansız insanları sevindirən Adil Əliyevə təşəkkürünü bildirdi.
Məktəblilər zəfər nəğməli vətənpərvər ruhlu şeirlər söylədilər.
Sonda 150 məktəbliyə məktəbli formaları, çantaları, dəftər,qələm, karandaş və digər ləvazimatlar hədiyyə edildi.
Rauf İlyasoglu.