Azərbaycan Respublikası Vəkillər Kollegiyasının üzvü, vəkil Əkbər Yusifoğlu Novruz bayramı münasibətilə Azərbaycan xalqını təbrik etdi.
Novruz ulu tariximizdə özəl yeri və önəmi olan xalq bayramıdır. Yer üzünə təravət, yeni ab-hava, torpağa yeni həyat bəxş edən Novruz həyatın yenilənməsi, dirçəlişinin rəmzi olub, bu bayram Vətən övladını xoş əməllərə, nəcib və xeyirxah işlərə sövq edir, qəlbindəki ülvi arzuları dirçəldir.
Allaha çox şükürlər olsun ki, xalqımız artıq bayramları əzəli torpaqlarımızda, işğaldan azad olmuş Qarabağımızda keçirir. Artıq işğaldan azad olmuş torpaqlarımızda tonqallar yandırırlar, sevinib el bayramlarını keçirirlər. Hər il qələbə sevincini yaşayaraq Novruza daha böyük inamla qədəm qoyururq, qürurluyuq, çünki tarixdə qalibiyyət qazanan xalqıx. Hər yeni Novruz bayramı dövlətimiz və millətimizin uğurlu inkişaf yoluna davam etdirir. Xalqımız firavan sabahının, dinc sabit həyat və tərəqqisinin təminini möhtərəm dövlət başçımız Prezident Ilham Əliyev cənablarının qətiyyət və möhkəm iradə ilə yeritdiyi müdrik dövlət siyasətində görür, bu siyasəti ürəkdən dəstəkləyir və onun davamlı olmasını diləyir.
Əziz həmvətənlərim! Bu gözəl el bayramı münasibətilə sizi bir daha ürəkdən təbrik edir, hər bir ailəyə səadət, xoş ovqat, sağlam həyat diləyirəm. Hər evə, hər ailəyə, hər bir Azərbaycan vətəndaşına bayram ovqatı və sevinc arzu edirəm.
Novruz bayramınız və torpaq çərşənbəniz mübarək olsun!
Hörmətlə:
Əkbər Yusifoğlu
Azərbaycan Respublikası Vəkillər Kollegiyasının üzvü, tanınmış vəkil
“Qanun və İcra” proqramının aparıcısı