Vətənimizin azadlığı, ərazi bütövlüyü uğrunda döyüşən igid oğullardan biri də Bakı şəhəri Nərimanov rayonunda mehriban qonşumuz Oruc Nəsir oğlu Vəliyevdir.
44 günlük Vətən Müharibəsində bizə qələbə sevincini yaşadan döyüşçülər arasında Oruc Nəsir oğlunun da xidmətləri var.
Orucun atası polis zabitidir. Xasiyyətcə çox mehriban, sakit və səmimi qonşuyuq. Nəsirin atası rəhmətlik Vəli kişi ağsaqqal müdrik bir insan idi. 1988- ci illərdə Qərbi Azərbaycandan qaçqın düşərək Bakıda məskunlaşmışdılar.
Vətən həsrətli müdrik insanla çox söhbətlər edərdik, hətta "Dost sədaqəti " kitabımda da bu mehriban ailə haqqında qeyd etmişdim. Onu da qeyd edim ki, Vəli kişinin qardası oğlu Arif Vəliyev birinci Vətən müharibəsində erməni quldurlarına qarşı vuruşaraq igidliklər göstərmiş və şəhid olmuşdur.
258 saylı məktəb Arif Vəliyevin adını daşıyır.
Vəli kişinin qızı Qızbəs xanımın həyat yoldaşı , igid komandir Həbib qardaşımız da mənfur düşmənə qarşı igidliklə vuruşaraq şəhidlik zirvəsinə ucalmışdır.
Belə bir əsilli köklü ailədə dünyaya göz açmış Oruc Vəliyev 1998- ci ilin yanvar ayının 11-də Bakı şəhərində anadan olub.
Oruc 2004- cü ildə atası Nəsirin əmisi oğlu şəhid Arif Vəliyevin adını daşıyan 258- saylı Nərimanov rayon tam orta məktəbinin birinci sinfinə daxil olmuş və 2015- ci ildə orta məktəbi müvəffəqiyyətlə bitirmişdir .
Həmin ildə də Sumqayıt Dövlət Universitetinə qəbul olunmuş və 2019- cü ildə ali təhsilini uğurla başa vurmuşdur.
Oruc Vəliyev Universiteti bitirdikdən sonra hərbi xidmətə çağırılır, N saylı Tərtər rayonunda hərbi hissədə xidmət edir və 2020- ci ildə hərbi xidmətini başa vuraraq ordudan tərxis olunur.
Oruc Vəliyev Ölkə Prezidentinin çağırışına qoşularaq Nərimanov rayonu Səfərbərlik və Hərbi Xidmətə Çağırış üzrə Dövlət Xidmətinə gələrək könüllü olaraq ordu sıralarına adını yazdiraraq ən qaynar nöqtəyə yollanır.
2020 ci ilin sentyabr ayının 27-dən 2021-ci ilin yanvar ayının 27- nə qədər hərbi xidmətini davam etdirərək uğurlu döyüş əməliyyatlarında iştirak edir. Öndə gedən qorxmaz dkyuscjlərdən biri olan Oruc Vəliyev Füzuli, Cəbrayıl və Qubadlı rayonlarının düşmən taptagından azad olunmasında iştirak edərək cəsurluq göstərib. Dusmənə sarsıdıcı zərəblər endirib.
Oruc Vəliyev sevinc hisslərini bizimlə bölüşür :
- 44 günlük müharibədə Ali Baş Komandanımızın rəhbərliyi altında şanlı ordumuz mənfur, işğalçı erməni quldurlarına qarşı mərdliklə vuruşaraq qələbə qazandıq. Torpaqlarımızın işğaldan azad olunmasında az da olsa bizim də xidmətlərimiz var və qürur duyuram.
Bu müharibə çox çətin də olsa dusmən istehkamlarını yararaq ildırım surətiylə irəliləyirdik.
Cəngavər kimi döyüşərək irəli atılan döyüş yoldaşlarım şəhidlik zirvəsinə yuksəldilər. Qazilərimiz yaralansa da, irəli deyə can atırdılar. Əsgər və zabitlərimizlə xalqımızın, dövlətimizin birliyi bu qələbənin qazanılmasında əsas rol oynadı.
Allahdan cəmi şəhidlərimizə rəhmət diləyir , qazilərimizə isə tezliklə sagalaraq evlərinə donmələrini arzulayırıq.
Vətən uğrunda döyüşən oğullar hər cür hörmətə layiqdir.
Əziz Oruc Nəsir oğlu Vəliyev!
Sizə və bütün döyüş dostlarınıza afərin deyirik.
Sizin xidmətləriniz isə tarix boyu heç zaman unudulmayacaqdır.
Rauf İlyasoğlu
