Azərbaycanda elə bir nəsil, kök tapılmaz ki, mənfur düşmənlərimizdən ziyan çəkməsin, erməni Azərbaycan ixtilafı, münaqişəsi və müharibələrində şəhid, verməsin, yaralanmasın və ya məhrumiyyətlərə duçar olunmasın.
Əvvəla öz ailəm və yaxın qohumlarım barədə oxuculara qısa məlumat vermək istərdim.
1991- ci ildə ömur- gün yoldaşımın dayısı, Azadlıq mücadili, müstəqillik aktına ilk imza atan, Azərbaycanın Milli Bayrağını ilk dəfə Ağdam şəhərində dalgalandıran millət vəkili Eldar Bağırovun Bakıda Milli Məclisdən çıxarkən xain qüvvələr tərəfindən qətlə yetirilməsi, onun ardınca ata - baba dostumuz, qohumumuz Şuşa rayon icra hakimiyyətinin başçısı, igid sərkərdə Mikayıl Qoca oğlu Gözəlovun xain qüvvələr tərəfindən kabinetində qətlə yetirilməsi və Qarabagın qeyrət qalası Allahverdi Bağırovun Naxçıvanik yüksəkliyini erməni quldurlarından azad etdikdən sonra minaya toxunaraq şəhidlik zirvəsinə ucalması, eyni zamanda vətənimizi qoruyarkən minlərlə igid ogullarımizın şəhid olması, erməni quldurları tərəfindən qətlə yetirilməsi xalqımızı , o cümlədən bizim ailəmizi də çox sarsıtdı.
Həmin illərdə böyük qardaşım, baş leytenant Vaqif Allahverdiyev Eldar Bağırov adına 845 saylı batalyonun komandiri Allahverdi Bağırovun rəhbərliyi altında bir çox uğurlu döyüş əməliyyatlarında iştirak etmiş,son beşik qardaşım, sanbo-cudo üzrə dəfələrlə Azərbaycan və Zaqafqaziya çempionu olmuş,polis baş çavuşu Namiq Allahverdiyev isə Kəlbəcərin, Ağdamın və bir çox ərazilərimizin işğalçı erməni
quldurlarından müdafiə olunmasında xidmətlər göstərmiş Mardakert( Agdərə ) rayonunun erməni hərbi quldur birləşmələrindən, terrorçulardan təmizlənərək azad olunmasında igidliklər göstərərək yaralansa da, sonradan o ağrılar Atəşkəs dövründə daha ciddi fəsadlar vermis, həkimlərin nasılıgı ucbatından pəhləvan cüssəli qardaşım bizi gəncikən əbədi tərk etmişdir.
1992 - ci ildə bibim oğlu Nahid Həmid oğlu Əhmədov Qubadlı - Laçın istiqamətində düşmənə qarşı vuruşarkən şəhidlik zirvəsinə ucalmisdır.
Həmin günlərdə Laçının Su arası istiqamətdə erməni yaraqlıları ilə qeyri bərabər döyüşdə mərdliklə vuruşaraq şəhid olmuş onlarla qohum əqrəbamız kəndlərimizə gətirilərək dəfn olunmuşdur.
29 ildən çox idi ki, torpaqlarımızın 20 faizindən çoxu erməni - rus hərbi quldur birləşmələri tərəfindən işğal olunmuşdu.
Əgər birinci Qarabağ müharibəsində 20 mindən çox şəhid vermişdiksə, atəşkəs dövründən bu günlərə qədər vətən, yurd həsrətinə dözməyən, acı məhrumiyyətlər çəkən, doğma evindən,kəndindən məhrum olunan minlərlə soydaşlarımız məcburi köçkün həyatı yaşayaraq dünyasını dəyişmişdir.
Ermənilər Qarabağ və ətraf rayonlarımızı zəbt etdikləri bəs deyilmiş kimi, Tərtərin , Ağdamın , Tovuzun ərazilərinə basqın edərək yeni ərazilər işğal etmək cəhətləri bu dəfə baş tutmadı.
Xalqımızın səbr kasası dolmuşdu.
Azərbaycan Prezidenti Xalqa müraciət etdi.
Yüz minlərlə qeyrətli oğullar könüllü olaraq hərbi xidmətə çağırış məntəqələrinə gələrək vətənin müdafiəsinə qalxdılar.
Belə qeyrətli oğullardan biri də bibim nəvəsi Əli Arif oğlu Əhmədov olmuşdur.
Evin tək oğlu , ali təhsilli mütəxəssis olmasına baxmayaraq Əli Arif oğlu 2020 - ci ilin sentyabr ayının 27- də Ali Baş Komandanımızın çağırışına qoşulub, könüllü olaraq cəbhə bölgəsinə göndərildi.
Atası Arifin oğluna bir kəlmə sözü oldu: -" Oğul, get, torpağı azad et, Şəhidlərimizin, eləcə də əmin Nahidin, atanın dayın nəvəsi Namiqin qisasıni al, Qələbəylə qayıt! "
Əli körpə yaşlarından evə asılmış əmisi şəhid Nahidin şəklinə baxaraq elə hey düşünürmüş ki, Əmi mən böyüyəndə sənin qisasını alacağam.. Əli mətin,vətənpərvər ruhda böyümüşdü.
Nənəsi Tamara bibinin yanıqlı bayatıları , igid oğlum Nahid deyə- son beşik ciyərparasına ağı qoşmagi məktəbli Əlidə ermənilərə qarşı nifrət hissi oyatmışdı. Xocalı soyqırımı məktəbli şagirdin sonsuz qəzəbinə səbəb olmuşdu.
Ata nəsihəti Əlini daha da ruhlandırdı. Hələ uşaqlıqdan onun arzusu əmisinin və necə-necə şəhid olmuş qohum əqrəbasının qisasını almaq idi.
Babası Həmid əmi də, nənəsi Tamara bibimiz də oğul itkisinə,vətən, yurd həsrətinə dözməyərək dünyasını dəyişmişdilər.
Onlar 1992 - ci ildə Qubadlı rayonundan köçkün düşərək Mingəçevir şəhərində məskunlaşsalar da,
bir dəfə də olsun şəhid atasına verilən imtiyazlardan istifadə etmiş, nə də yardım almışdır.
Sentyabr ayının 27 də başlayan Vətən müharibəsindən bir ay vaxt keçsə də, Əli Əhmədovdan heç bir xəbər yox idi.
Valideynlərinin yuxusu ərşə çəkilmişdi. Müharibənin qanunlarına uyğun olaraq internet və sosial şəbəkələr müvəqqəti olaraq dayandırılmışdı.
Məkirli, hiyləgər və alçaq düşmənə qəti sirr vermək olmazdı.
Cəbhədən isə acı xəbərlər gəlirdi.
Şanlı, cəsur ordumuz isə düşmənə sarsıdıcı zərbələr endirirdi .
Böyük qardaşım Niyazın oğlu XTQ- nin giziri, kəşfiyyatçı qəhrəman Asiman Allahverdiyev Füzuli və Cəbrayıl istiqamətində uğurlu əməliyyatlarda iştirak etmiş və Füzuli şəhərinə daxil olan ilk kəşfiyyatçılardan biri olmuşdur.
Son kəşfiyyat zamanı 9 oktyabrın 2020- ci ildə Füzuli və Cəbrayıl istiqamətlərdə gedən qızğın döyüşlərin birində Asiman Niyaz oğlu Allahverdiyev qəhrəmanlıq göstərərək şəhid olmuş və Sumqayıtda Şəhidlər Xiyabanında dəfn edilmişdir.
Şiddətli döyüşlər daha da qızışırdı.
Ordumuz kəndlərimizi, qəsəbələrimizi bir-bir azad etdikcə, ermənilər geri çəkilr , həmin ərazilərimizə minalar basdıraraq işğalçı simalarını göstərirdilər.
Nəhayət ki 44 günlük müharibə Qələbəmizlə başa çatdı.
Bibim oğlu Ariflə tez- tez əlaqə saxlayırdıq.
Axı 44 gün keçsə də, evin yeganə oğlundan bir xəbər- ətər yox idi.
Elə bu anlarda Əlidən də bir şad xəbər gəldi;; " Ata, məndən nigaran qalmayın , biz Qubadlıdayıq.Kəlbəcər istiqamətə irəliləyirik."
Qısa arayış; Əli Arif oğlu Əhmədov 24 iyul 1997 -ci ildə Mingəçevir şəhərində anadan olub.
Valideynləri 1993 cü ildə Qubadlı rayonundan didərgin düşərək məcburi köçkün həyatı yaşayıblar.
Əli 2003 - ci ildə Mingəçevir şəhər Nizami Gəncəvi adına 8 saylı tam orta məktəbinin birinci sinfinə daxil olub,
2014- cü ildə 11 illik tam orta məktəbi bitirərək, elə həmin ildə də imtahan verərək Azərbaycan Texniki Universitetinin energetika fakültəsinə daxil olub.
Onu da qeyd edim ki,. Əlinin atası, təcrübəli energetik - mütəxəssis Arif Əhmədov da uzun illər Mingəçevir Qrestində elektrik vəzifəsində şərəflə işləmiş və təqaüd yaşına çatmağa iki il qalmış , əsassız olaraq ixtisara düşmüşdür.
Əli Əhmədov 2018-ci ildə ali təhsilini uğurla başa vuraraq ordu sıralarına çağırılmışdır.
Sərhəd bölgələrimizi qoruyaraq hərbi xidmətini 2019- cü ildə başa vurmus və ordudan tərxis olunmuşdur.
Azərİşıq ASC də təzə isə qəbul olunur.
2020 - ci ilin sentyabr ayının 21- də cənab Prezidentimiz İlham Əliyevin çağırışına qoşularaq səfərbər olur, həmin ayın 27 - də könüllü olaraq cəbhəyə yollanır və ən qaynar nöqtələrdə düşmənə qarşı mərdliklə vuruşaraq sarsıdıcı zərbələr endirir.
Talış kəndi istiqamətində, Ağdərə yuksəkliklərinin alınmasında , Suqovuşan kəndi istiqamətində uğurlu əməliyyatlarda iştirak edərək strateji əhəmiyyətli yüksəkliklərin düşmən taptagından azad olunmasında cəsurluq göstərir.
Tank əleyhinə bölümdə xidmət etmisdir.
Dəfələrlə ölümün pəncəsindən xilas olur. Hərbidə Tərpənməz Qurğuların idarə etmə hissəsində Manqa komandiri vəzifəsində işləyərək komandiri tərəfindən tapşırıqları uğurla yerinə yetirmişdir.
44 günlük döyüşün Qələbə sevincini bƏli Arifoğlu döyüş dostlarıyla bölüşüb..
Xalqımıza bu qələbə sevincini qazandıran vətən oğlunu və döyüş dostlarını istəkli oxucularımıza daha yaxından tanış etmək istədim.
2021- ci ilin yanvar ayının 5 da ordudan tərxis olunan igid, qorxmaz və qəhrəman döyüşçümüz Əli Arif oğlu Əhmədov ordudan tərxis olunarkən evə gəlməmişdən əvvəl Şəhidlər Xiyabanını ziyarət edərək gözü qarşısında şəhid olmuş dostlarını etiramla yad etmisdir.
Köhnə kollektivi isə igid, vətən oğlunu mehriban qarşılamışlar..
Onu da qeyd edək ki, Əli Əhmədovla bir işləyən əməkdaşlardan Üzeyir Mehdizadə, Kərim Səlimov, Şahbaz Abbasov Elvin Qəhrəmanlı və Fərid Cabbarlı da Ali Baş Komandanimızın rəhbərliyi altında könüllü olaraq Vətənimizin azadlığı və ərazi bütövlüyümüz uğrunda şücaət və qəhrəmanlıqlar göstərmiş və Qələbə qazanaraq ordudan tərxis olunmuslar.
Sumqayıt Elektrik Şəbəkəsi ASC- nin rəhbəri , vətənpərvər ziyalımız Elçin Alıyev kollektivi yığaraq igid döyüşçüləri təbrik etdi və müəssisənin adını şərəflə ucaltdiqlarına görə hər bir döyüşçü oğullara təşəkkürünü bildirdi. Qurban qoyunlar kəsildi, şəhidlərimizin ruhuna dualar oxundu.
Sumqayıt Elektrik şəbəkəsində nəzarətçi - mühəndis vəzifəsində işini davam etdirən Əli Arif oğluna ,eləcə də bütün döyüşçü dostlarına, bütün kollektivə can sağlığı, ailə səadəti arzulayırıq.
Yəqin ki bir vaxtlar Əli və döyüş dostları yaşa dolarkən nəvəllərini başına yığaraq deyəcəkdir ; -"2020 - ci ilin 44 günlük Vətən müharibəsində babanız da vuruşaraq şəhidlərimizin qisasını aldıq Əzizlərim!
Siz də ayıq -sayıq olun.
Düşmənimiz çox namərd və hiyləgərdir.
Vətənimizi göz bəbəyiniz kimi qoruyun."
Rauf İlyasoğlu
