Bu gün futbol üzrə Azərbaycan kubokunun qalibi müəyyənləşib.
XeberTıme.az final oyununda son çempion "Qarabağ"la bürünc mükafatçı "Zirə" üz-üzə gəlib.
Qəbələ şəhər stadionunda təşkil olunan qarşılaşma Ağdam komandasının qələbəsilə başa çatıb.
Belə ki, matçın əsas vaxtı 1:1 hesabı ilə başa çatdığından əlavə vaxt təyin olunub. Burada da hesab dəyişməyib, qalib penaltilər seriyasında müəyyənləşib.
Penaltilər seriyasında 4:3 hesabı ilə qalib gələn "Qarabağ" kubokun sahibi olub. Bununla da Ağdam təmsilçisi "Qızıl dubl"a imza atıb.
Beləliklə, "Qarabağ" klubu 7-ci dəfə bu titula sahib çıxıb və ölkə tarixində yeni rekord müəyyənləşdirib. Komandanın baş məşqçi Qurban Qurbanov isə mükafatı ən çox qazanan (5 dəfə) baş məşqçi adına yiyələnib.
“XeberTıme.az”