Bu gün Qubadlı batalyonunun komandiri Adil MirTeyyub oğlu Həşimzadənin vəfatının il dönümü ilə əlaqədar Bakının Bilgəh qəsəbəsində uyuyan mərhum komandanın məzarını ziyarət etdik. Vətən yolunda canını qurban vermiş cəmi soydaşlarımıza Allahdan rəhmət dilədik.Ruhlarına dualar oxuduq.
Azərbaycanın xalq qəhrəmanı Aslan bəy Sultanovun nəvəsi , tədqiqatçı, tarixci alim, hüquqşünas, yazıçı Faiq Abdullayev, vətənpərvər ziyalı Cəlal Qubadlı və bu sətirlərin müəllifi Rauf İlyasoğlu ilə birlikdə məhrum komandirin doğma qardaşı, keçmiş döyüşçü , bölük komandiri Aqil Həşimzadəyə baş sağlığı verdik
Sonra Aqil Həşimzadə bizi Bilgədə yerləşən bağına dəvət etdi , qardaşı Adil Həşimzadə ilə bağlı kövrək xatirələrini bizimlə bölüşdü.Beş saatdan artıq süfrə arxasinda əyləşərək həmin illərə xəyalən ekskursiya etdik
O illərlə bağlı xatirələrimizi söylədik.
1990 - cı illərdən erməni vandalizminə qarşı amansız mübarizə aparan batalyon komandiri Adil Həşimzadənin vətəninə və millətinə qarşı etdiyi əvəzsiz xidmətləri xalqımız heç zaman unutmayacaqdır.
Adil Həşimzadənin əziz xatirəsi onu sevənlərin qəlbində əbədi yaşayacaqdır.
Allah igid qardaşımıza rəhmət eləsin, məkanı cənnət olsun.
Əziz qardaşımız! Rahat yat! Sənin arzuların çin oldu. Qarabağ və Zəngəzur torpaqları yağı taptağindan azad olundu.
Rauf İlyasoğlu
“XeberTıme.az”