Sizə yenicə dünyaya gəlmiş bir kitabdan və onun balaca müəllifi titrək əllərinə yenicə qələm alan, Sevgi Polad qızından danışmaq istəyirəm.
"Tarix yazanlar"
İlk məsuliyyətli addımını çörəyini yeyib suyunu içdiyi Vətəni üçün atan sevgi qızımız artıq ilk kitabının sevincini yaşıyır.
Sevgi bu sevinci təkcə özü deyil, həm də, onu sevən ailəsinə, yaxınlarına, dostlarına da yaşadır.
Balaca qəlbinin dərinliyində böyük duyğular bəsləyən Sevgi Polad qızı öz kitabında Göydərə kəndinin igid qəhraman oğullarını da unutmayıb. “Əsgər cəsarəti”, “Ordumuz”, “Hərbiçi”, şeirləri kitabda yer almışdır.
Deməli, vətən sevdası onun qələminin əsas meyarıdır. 44- günün Vətən müharibəsi şəhidlərini öz şerilərində özünəməxsus qələmlə ifadə edən Sevgi Polad qızının "Tarix Yazanlar" kitabı "Dastana döndü" , Xarıbülbül", Şəhid Cahangir", adlı şeirlərində öz əksini tapmışdır. Sevgi bu mövzulara toxunması ilə də ayrıca özünün vətən sevgisini dilə gətirmişdir. Cənab Ali baş Komandan İlham Əliyevin adına həsr etdiyi "Cənab prezident" şeiri isə Sevginin cənab prezidentimizə sevgisinin təzahürüdür.
Kitab ZƏFƏR SEVİNCİ bəxş etmiş ölməz şəhidlərimizə və qəhraman igidlərimizə həsr olunub. Biz də bu yoldakı tək addımları ilə iz salmağa başlayan Sevgi qızımıza uğurlar arzulayırıq.
Sevda İbrahimli
Qızıl qələm media mükafatı laureatı, şair
