Adam balası
Çörəyi dizinin üstundə olan bir nanəcibə
Arvadın əlinin duzu olmasa,
Yeməkdən tam gələr, atam balası.
Nankor nəsihətə qulaq asmasa,
Öyüd qanan deyil , atam balası,
Məni dəng eyləmə, adam balası.
Həyasız, abırsız , qanmaz ilansan,
Boz çulsuz eşşəyə sən də palansan,
Aranı qataraq quyruq bulasan,
Sənə kim inanar, atam balası?
Necə deyim sənə adam balası?
Peşiman olmuşam səninlə tanış,
Çoxu sənə deyir kəfkir, ya qamış,
Adam balasıtək mənimlə danış,
Gəl qayıt yoluna, atam balası,
Oxşa sən atana, adam balası.
Adam ol , qudurma , bəlkə xəstəsən?
Tərbiyyən pozulub , axı dərsdəsən.
Yolunu azan o ayrı dəstəsən ,
Raufu rəng etmə atam balası,
Sənə necə deyim adam balası?
Rauf İlyasoğlu