Ayların sultanı gəlir
Mərhəmətli ol hər zaman,
Ayların sultanı gəlir.
Kimsəsizə olma yaman,
Ayların sultanı gəlir.
Fitrə , zəkat ver bu ayı,
Ver sədəqə, qurban payı.
Görsən bədirlənmiş ayı,
Ramazan bayramı gəlir
Səcdə etmək nə ləzzətli,
Hər kəs xoşüzlü, izzətli.
On bir aydan fəzilətli,
Ayların sultanı gəlir
Qədr gecəsi oyaq qal,
Mükafatın Rəbbimdən al .
Quranı hər an yada sal,
Ayların sultanı gəlir.
Fəxr et Rəbbimin quluyla,
İmam Hüseynin qoluyla .
Peyğəmbərin get yoluyla,
Ayların sultanı gəlir,
Ramazan bayramı gəlir.
Rauf İlyasoglu
2015 - ci il