İlahiyyatçı , yazıçı, Qarabağ müharibəsi qazisi Hacı Həsən Hüseynlinin " İmza" nəşrlər evində " Qərib İmam Rza ( ə) Xorasan şahı" kitabı nəfis tərtibatda işıq üzü görmüşdür.Kitabda müəllifin dini- tarixi şəxsiyyətlər silsiləsindən olan növbəti kitabı səkkizinci imamımız Xorasan şahı İmam Rzaya ( ə) həsr olunmuşdur.
Kitabın rəycisi tanınmış din xadimləri axund Hacı Soltan Əlizadə, redaktoru ilahiyyatçı alim Mirzə Varmağa Almaz, korrektoru isə Rüfət Əbdürəhmanovdur.
Məhsuldar qələm sahibi,islam dinimizin saf və təmiz formada təbliğində Hacı Həsən Hüseyninin xidmətləri danılmazdır. Ensiklopedik biliyə malik Hacı Həsən Hüseyni müqəddəs Qurban bayramı ərəfəsində çap etdirdiyi bu dəyərli kitabının əlyazması vaxtilə "Həkəri" qəzetində dərc olunmuş və məqalələr toplanaraq kitab formasında ərsəyə gəlmişdir. "Həkəri qəzetinin şöbə müdiri Hacı Həsən Hüseyni təbrik edir və çoxşaxəli yaradıcılığında ona uğurlar, can sağlığı arzulayırıq.
Rauf İlyasoğlu