Arif day ilə Bakıda qonşu idik. Tez- tez görüşüb mehriban söhbət edərdik. Dürüst, sözübütov, mehriban, qayğïkeş şəxs olmaqla yanaşı, böyük nüfuz və hörmət sahibi idi.Arif müəllimin atası Hüseynqulu Babayev müstəqil Azərbaycan dövlətinin qurulmasında müstəsna xidmətləri olmuşdur. 1918- 1921- ci illərdə daşnaqlara qarşı mübarizə aparmış və əslən Qubadlı bölgəsindən olan Hüseynqulu Babayev uzun illər hüquq mühafizə sahəsində rəhbər vəzifələrdə ləyaqətlə işləmişdir.
Vaxtìlə yaşadığmız Ağdam şəhər 8 nömrəli orta məktəbi yenicə bitirmişdim.
" Kommunist " ( indiki Xalq qəzeti) qəzetinin zonalar üzrə xüsusi müxbiri işləmiş atam Ilyas Allahverdiyevlə Hüseynqulu Babayev çox yaxın dost idilər.
Ilyas müəllim tez- tez Hüseynqulu əmini evimizə qonaq dəvət edərdi.
Anamın mis qazanda bişiirdiyi çolpalı plovun ətri hər tərəfə yayılardı.
Son dərəcə səliqəli geyinmiş Hüseynqulu Babayevin parıldayan xrom
çəkmələrindən hiss edirdim ki,bu insan vaxtilə yüksək vəzifə sahibi olmuş əsl hərbicidir.
Ağsaqqalların tarixi söhbətlərinə qulaq asmaqdan zövq alardım. Andro ik ozanyanın, Nejdenin qanlı cinayətlərindən Qubadlı- Zəngəzur milis işçilərinin mübatkzliyindən söhbət açarkən Hüsenqulu Babayevin nurlu siması daha da ciddiləşirdi
Sonralar Azərbaycan
Respublıikası
Ticarət Sənaye Palatasında işləyərkən sədrimiz ,ictimai siyasi xadim Kamran Huseynov dayısı Huseynqulu Babayev barədə soruşardı.Mən isə Huseynqulu Babayevin rayonda böyük nüfuz sahibi oldugunu və insani keyfiyyətlərindən söhbət açarkən Kamran müəllim çox sevinər və Sərtib dağına həsr etdiyi şeiri mənə uca səslə oxudub köks ötürərdi.
Bu gün isə Hüseynqulu Babayevin istəkli oğlu Arif Babayevin şərəfli ömür yolu haqqında söhbət açmaq istərdim.
Arif Hüseynqulu oğlu Babayev 16 aprel 1933 - cü ildə Qubadllı rayonunun Çərəli kəndində qulluqcu ailəsində anadan olmuşdur.
Atasıının xidməti işi ilə əlaqədar orta məktəb illərini Ağdam şəhərində
yaşamış Arif Hüseynqulu oğlu 1944- ci ildə rayon 1 nömrəli məktəbin birinci sinfinə getmiş və 1951- ci ildə orta məktəbi müvəffəqiyyətlə başa vurmuşdur.
Arif Babayev 1952- ci ilin avqust ayında imtahan verərək Dnepropetrovsk şəhər Qırmızıbayraq zenit- artilleriya ali hərbi məktəbinə kursant qəbul olunmuş və həmin məktəbi əla qiymətlərlə bitirmişdir.
Arif Babayev 1958 - ci ildən 1964- cü ilə qədər Yevlax, Ağcəbədi, Şuşa və Bərdə rayon hərbi komissarlıqlarında ləyaqətlə çalışmışdır.
Yüksək təşkilatçìlıq bacarığı nəzərə alınaraq Arif Babayev daha məsul vəhifələrə təyin olunmuşdur.Beləki o,1964- cü ildən 1967- ci ilədək Yardımlı rayon hərbi komissarının müavini,
1967- ci ildən 1971- ci ilə qədər Yardımlı rayon Hərbi Komissarı vəzifəsində vicdanla işləmişdir.
Arif Babayev 1972- ci ilin mart ayından 1982 - ci ilin noyabr ayınadək Xaçmaz rayon hərbi komissarı, 1982- ci ildən 1987- ci ilədək Bakı şəhər Nizami rayonunun hərbi komissarı vəzifəsində məsuliyyətlə işləmişdir. Onu da qeyd edim ki,Bakının Nizami rayonu yenicə yaradıldığı üçün məhz bu böyük rayona təcrübəli və peşəkar kadr olan Arif Babayev ilk hərbi komissar göndərilmişdir.
Işlədiyi illər ərzində ona tapşırlan vəzifələri ədalətlə yerinə yetirdiyinə və qüsursuz fəiyyətinə görə dəfələrlər müxtəlif dövlət orqanları tərəfindən fəxri fərman , diplomlarla, eləcədə orden və medallarla təltif olunmuşdur.
Həmin dövrlərdə Respublikaya rəhbərlik etmiş Azərbaycan Kommunist Partiyası Mərkəzi Komitəsinin birinci katibi Heydər Əliyevin imzası ilə rayon hərbi komissarı Arif Babayev səmərəli və qüsursuz fəaliyyətinə görə və 60 illik yubileyi münasibəti ilə Fəxri Fərmanla təltif olunmuşdur.
Arif Babayev 1987- ci ildə polkovnik rütbəsində təqaüdə çıxmışdır..
Arif Babayev ömür gün yoldaşıyla birlikdə dörd övladını vətənpərvər ruhda böyüdüb boya - başa catdırmışlar.
Böyük oğlu Rövşən Babayev də atasının yolunu davam etdirmiş, Bakı Ali Hərbi məktəbini bitirərək Müdafiə Nazirliyi sistemində müxtəlif vəzifələrdə işləmiş ,mayor rütbəsində təqaüdə çıxmışdır.
Arif müəllimin Iki qız nəvəsi zabit olmaqla müdafiə nazirliyi sistemində çalışırlar.
Təmiz əqidəli,köklü nəslin nümayəndəsi olmuş Arif Babayev 27 sentyabr 2022 - ci ildə 89 yaşında vəfat etmişdir.
Gənc nəslə nümunə olan Arif Babayev doğma yurdumuzun işğaldan azad olundugu günü görərkən sonsuz dərəcədə sevinmişdi.
Hər dəfə Arif Babayevlə səmimi görüşərkən onun xidmətləri barəsində yazmaq istəsəm də, Arif müəllim təvazökarlıq edərək razı olmamışdı. Bütün bu müsbət keyfiyyətlər onun alicənablığından xəbər verirdi.
Son dərəcə sadə,mehriban, təssübkeş və qayğìkeş şəxs olan Arif Hüseynqulu oglu Babayevin əziz xatirəsi doğmalarının və onu tanıyan dostlarınn qəlbində əbədi yaşayacaqdr.
Rauf ILYASOĞLU,
" Həkəri " qəzetinin baş redaktoru, şair- publisist.
