Ən uca zirvələrdən gəlsin İlhamın səsi
Tarixə qəhrəmantək yazdı adın komandan,
Bizə sevinc yaşatdın, yaşa İlham Əliyev!
Adın düşdü tarixə , ey xilaskar komandan!
Sən də arzuna çatdın , yaşa İlham Əliyev!
Sıldırım qayaları aşdı ordum qoşunla ,
Mübariz biləyi var hər igidin qolunda .
Düşmənləri susdurdun
təmkinli çıxışınla,
Şəhidlər canın verdi vətənimin yolunda.
Xilaskar böyüyürdü gözümüzün önündə,
İnamı güclü idi atası Öndərin də .
Şuşam azad olundu ilin gözəl günündə ,
Xalqımız bayram etdi, Qala, Cıdır düzündə .
Xəyalı gerçək etdin, Xanın doğma kəndində,
Xoşbəxt günlər yaşayır bizim bu doğma nəsil.
Güclü tikinti gedir Suqovuşan bəndində,
Gözəlləşir Qarabağ dəyişdikcə il, fəsil.
Tarixə qəhrəmantək yazdı adın Komandan!
Dəmir yümrüğü ilə kəsdi düşmən nəfəsin.
Əmrə sadiq dayanıb ordum sayıq o andan
Ən uca zirvələrdən gəlsin İlhamın səsi.
Yayılsın hər tərəfə Qarabağ şikəstəsi.
Rauf İlyasoğlu
24 dekabr 2023 - cü il