Qəhrəman olmaq üçün qəhrəman olaraq dunyaya göz açmalısan.
1 Yanvar 2022-ci il tarixində əziz və dəyərli, əfsanəvi General-mayor Polad Həşimovun doğum günü münasibəti ilə ARİ-nin üzvü, rəssam, layihə rəhbəri "İyilik Üretenler " Dərnəyinin Azərbaycan üzrə kordinatoru Elnurə İsgəndərovanın təşəbbüsü ilə Qarabağ Veteranı "Galera"Sənət Mərkəzinin direktoru , tərtibatçı rəssam Mansur Əsgərli, ARİ-nin üzvü, rəssam, Respublika Gimnaziyasının müəllimi Minə Məmmədova generalın ailəsini ziyarət etdilər. Söhbət əsasında Generalımızın uşaqlıq dövründən , keçdiyi şərəfli ömür yolundan Səmayə ana və qardaşı İlham bəy geniş məlumat verdilər. İndiki gəncliyimizin yüksək vətənpərvərlik ruhunda yetişməsi üçün Şəhidlərimizin və Qazilərimizin yaxından tanıdılmasının vacib olduğunu bildirdilər. Ziyarət əsasında " Mansur Əsgərli Yağlı boya ilə çəkdiyi Generalımızın portretini Səmayə anaya hədiyyə etdi.
XeberTime.az
Xüsusi müxbir: Aygün Oqtay