SON DƏQİQƏ

"Azərbaycan və Tacikistan mədəni əlaqələri nəsildən-nəslə" adlı sərgi - tədbir keçirildi- FOTO

Tarix:23-06-2022, 07:42

Layihə rəhbəri və təşkilatçısı Elnurə  və Aygün İsgəndərovaların olduğu Yasamal Rayon Heydər Əliyev Mərkəzinin dəstəyi ilə "Azərbaycan və Tacikistan mədəni əlaqələri nəsildən-nəslə" adlı sərgi - tədbir  22 iyun saat 12:00-da Yasamal Rayon Heydər Əliyev Mərkəzində baş tutdu. Sərgidə 70 rəssam 70  rəsm əsəri ilə iştirak edirdi. Rəsm əsərlərində Tacikistanın mənzərələri, mətbəxi , adət - ənənələri vəsf olunmuşdu.                                                  

Tədbirdə Yasamal Rayon İcra Hakimiyyətinin başçısı Elşad Həsənov, Tacikistanın Azərbaycandakı səfiri Rustam Soliyev və xanımı Mühabbet Soliyeva, Türkiyə Respublikasının səfiri Cahit Bağçı, Gürcüstan səfiri Zurab Pataradze, Əfqanıstan səfiri Amanullah Ceyhun, Meksika səfiri Xuan Flores, diplomatik korpusun nümayəndələri iştirak edirdi.                                  
Öncə tədbir iştirakçıları Ulu Öndər Heydər Əliyevin abidəsi önünə gül dəstələri qoydular və Ümummilli Liderin siyasi fəaliyyətini əks etdirən foto və eksponatlarla tanış oldular.      
Yasamal Rayon Heydər Əliyev Mərkəzinin direktoru Naminə Ömərova sərgiyə gələn  fəxri qonaqları və rəssamları salamladı. Artıq xarici ölkə səfirliklərinin mərkəzdə ziyarətlərinin və  sərgilərinin   təşkil olunmasının ənənə halına keçdiyini bildirdi.                           
Sərgidə iştirak edən Tacikistan Respublikasının Azərbaycandakı fövqaladə və səlahiyyətli səfiri Rustam Soliyev  iştirakçıları salamlayaraq bildirdi ki, bu cür mədəniyyət tədbirləri iki xalq arasında əlaqələrin daha da yaxınlaşmasına xidmət edir.  Daha sonra sərgi layihə rəhbəri və təşkilatçıları Elnurə və Aygün İsgəndərovalar nümayiş etdirilən rəsmlər barədə qonaqlara ətraflı məlumat verərək bildirdilər ki, rəsm əsərləri tacik xalqının adət və ənənələrini, yaşayış tərzini və təbiət mənzərələrini əks etdirir.                                                                                
Sonda rəssamlar diplomlarla təltif olundular.
 
XeberTıme.az                                                                                  

Xüsusi müxbir: Aygün Oqtay

FACEBOOK ŞƏRH

SON XƏBƏRLƏR

Qarabağ