Layihə rəhbəri Elnurə İsgəndərova, təşkilatçısı Aygün Əzizovanın olduğu RM ART Studionun tələbələri və müəllim kollektivi Dünya Azərbaycanlılarının Həmrəylik Gününə həsr olunmuş "Yeni İli Uğurla Qarşılayaq " adlı sərgi - tədbir təşkil olundu.
Sərgi - tədbiri giriş sözü ilə açan layihə rəhbəri Elnurə İsgəndərova gələn qonaqları salamlayıb, yeni il münasibətilə təbrik etdi. 2022-ci ildə uğurlu fəaliyyət göstərdiklərini, 2023-cü ildə də uğurlarının davamlı olmasını arzuladı .
RM ART Studionun müəllim və tələbə kollektivinin fəal fəaliyyətindən, rəsm kursunda şəhid və qazi uşaqlarını təmənnasız hazırladıqlarından danışıb sözü ADRA-nın nəzdində ADİK-nin, ADPU-nun nəzdində ADPK- nin müəllimi , RM ART Studionun direktoru Rəsmiyyə Mahmudovaya verdi . Rəsmiyyə müəllim gələn qonaqları , tələbə və valideynləri yeni il münasibətilə təbrik edib, uğurlar arzuladı . 2023-cü idə də daha böyük uğurla, həvəslə çalışacaqlarını bildirdi.
Sərgidə iştirak edən bütün tələbələr, müəllimlər diplomla, müxtəlif hədiyyələrlə təltif olundular . Qonaqlar üçün isə xüsusi yeni il hədiyyələri təqdim olundu. Rəsmi hissə bitdikdən sonra bədii hissədə ''Sarı gəlin " rəqsi ilə Sara Babayeva , "Vətən" rəqsi ilə Jalə Nəsibova, sazda el havaları ilə Samir Pənahov çıxış etdilər.
Sonda xatirə şəkilləri çəkildi , hər kəs bayram süfrəsinə dəvət olundu.
Müxbir : Aygün Oqtay
