23 mart 2023-ci il tarixində Rusiyanın Sankt-Peterburq şəhərində, bu şəhərdə fəaliyyət göstərən “Çinar” vokal-xoreoqrafik rəqs ansamblının 25 illik yubiley-konserti kecirilib.
Məlumat üçün bildirək ki, eyniadlı mədəniyyət mərkəzinin nəzdində yerləşən “Çinar” rəqs ansamblı 1998-ci ildən fəaliyyət göstərir. Sankt-Peterburq Dövlət Universitetinin baş muəllimi Xeyransa Mirzoyevanın təşəbbüsü və rəhbərliyi ilə yaradılan, fəaliyyət göstərən ansambl bu illər ərzində təkcə Sankt-Peterbuqda deyil, Rusiyanin müxtəlif şəhərlərində, hətta Rusiya hüdudlarından kənarda da Azərbaycan musiqisinin, incəsənətinin ən fəal təbliğatçısı, yüzlərlə mükafatların sahibi, yarışmaların qalibi olub.
Peterburqun boyük konsert zallarından birində kecirilən yubiley - konsertdən öncə tamaşaçilar Azərbaycan milli mədəniyyətini, adət-ənələrini əks etdirən sərgi ilə tanış olublar. Qonaqlara xalçatoxuma dəzgahında ilmələrin atılması, novruz atributlarından olan milli şirniyyatların bəzədilməsi nümayiş olunub.
Tədbirdə Sankt-Peterburqda millətlərarası münasibət və miqrasiya siyasəti üzrə komitənin nümayəndəsi Frolov Andrey Sergeyeviç, müxtəlif xalqların mədəniyyət qurumlarının rəhbərləri, yerli hakimiyyət orqanlarının üzvləri, Azərbaycanın Sankt-Peterburqdakı konsulluğunun humanitar işlər üzrə konsulu Rəhim Rəhimzadə iştirak etmişlər. Qonaqlar çıxışlarında ansamblın Sankt-Peterburqun mədəni həyatında xüsusi yeri olduğunu vurğulamış, “Çinar” ailəsinə uğurlar arzulamişlar. "Mir" telekanalı ansamblın bədii rəhbəri Xeyransa Mizoyevadan müsahibə almış və konsert haqqında reportaj yayımlamışdır.
“XeberTıme.az"
