Bu gün Azərbaycan Respublikasının xalq artisti, Azərbaycan SSR Dövlət mükafatı laureatı, prezident təqaütçüsü, səhnəmizin əvəzolunmaz teatr və kino aktyoru Ramiz Ağarza oğlu Məlikovun doğum günüdür.
Mərhumun qardaşı oğlu Emil Məlikov əmisinin doğum gününü öz şəxsi sosial şəbəkəsində paylaşıb.
XeberTıme.az bu paylaşmanı sizə təqdim edir:
"Bu gün sənin doğum günündür əmi. Hayıf ki, aramızda yoxsan. Amma xatirən hər zaman bizimlədir. Teatr və Kinoda yaratdığın unudulmaz obrazlar, bənzərsiz yaradıcılıq nümunələri hər zaman tamaşaçıların, Ramiz Məlik sevərlərin qəlbində yer alacaq. Həm sənətin zirvəsinə yüksəlməyi bacaran mükəmməl sənətkar kimi, həmçinin gözəl insan olmağınla qəlblərdə daim yaşayacaqsan. Necə ki, bu gün sevdiklərinin, doğmalarının, eləcə də səni qəlbində yaşadan bu qədər insan ordusunun ürəyində varsan və daim bizimlə olacaqsan. Aramızdan tez getsən də, əbədi yanımızdasan, yaşayırsan və ruhun hər zaman qəlblərdə yaşayır əmi. Allah yerini behişt, ruhunu şad etsin. Doğmalarına da Allahdan səbr arzulayıram. Nə yaxşı ki, bu dünyada var oldun, yaşadın, yaratdın və özündən sonra da gözəl xatirələr inşa edib, getdin. Nur içində yat əmi. Allah sənə rəhmət eləsin. AMİN."
Hörmətlə:
Emil Məlikov