YAP Yasamal Rayon Təşkilatının və Beynəlxalq Qalereyanın birgə təşkilatçılığı ilə Qarabağ zəfərinə həsr olunmuş "Zəfər Yolu" adlı master-klass və sərgi təşkil olunub.
Tədbirdə Nərimanov rayonu Erudit Liseyinin sinif rəhbərləri Nərgiz Nəcəfova və Gülzar İsmayılzadənın rəhbərliyi ilə 3Q, 3 V siniflərinin şagirdlər iştirak edirdilər. YAP Yasamal Rayon Təşkilatının sədri Bəxtiyar Nəbiyev iştirakçıları salamladı və Qarabağ zəfəri haqqında geniş məlumat verdi. Müzəffər Ali Baş Komandan cənab İlham Əliyevin rəhbərliyi ilə şanlı Azərbaycan ordusunun qazandığı tariximizə qızıl hərflərlə yazıldığını qeyd etdi. Gənc nəslin vətənpərvərlik ruhunda yetişməsində belə tədbirlərin mühüm əhəmiyyət daşıdığını diqqətə çatdırdı və şagirdlərə təhsildə uğurlar arzuladı.
Beynəlxalq Qalereyanın direktoru Elnurə İsgəndərova uşaqların sənət yolunda ilk addımlarını atdıqlarını və müəllimlərin peşəkarlıqla sənətin sirlərini onlara öyrətdiklərini bildirib. Gənc nəslə vətənpərvərliyin təbliğ olunmasında əməyinə görə Erudit Liseyinin direktoru Sevil Cəlilovaya, koordinator Nailə Rəsulovaya təşəkkür etdi.
Aygün Əzizovanın layihə rəhbəri olduğu sərgi və masterklasda müəllimlər Elnara İsgəndərova, Arzu Məmişova, Şəhanə Paşayeva, Fərəh Babayeva, Elmira Yəhyayeva, ADPU-nun baş müəllimi Səyyar Əliyev uşaqlara xarıbülbül çiçəyinin akvarellə işlənmə texnikasını öyrətdilər.
Sonda iştirakçılara sertifikat və bədii kitablar hədiyyə olundu. Xatirə fotoları çəkildi və Zəfər flaşmobu keçirildi. 
Sizə "Zəfər Yolu" adlı master-klass və sərgi videosunu təqdim edirik.
Müxbir: Aygün Əzizova
Operator: Xatirə Məmmədova
Fotoqraf: Camal