Psixoloq, aparıcı Ülviyyə Murtuzovanın təqdimatında “Sənin Seçimin” verlişi həftə içi 5 gün saat 19:00-dən 20:30-dək MTV Azərbaycanın canlı efirində yayımlanır.
31.03.2025-ci il tarixində efirə gedən “Sənin Seçimin” verlişində verlişin apracısı və layihə müəllifi Ülviyyə Murtuzova canlı efir vasitəsi ilə 31 mart-Azərbaycanlıların Soyqırımı Günü münasibəti ilə Azərbaycan xalqına baş sağlığı verdi: “Azərbaycan xalqına qarşı törədilmiş və uzun illər boyu öz siyasi-hüquqi qiymətini almamış 31 mart soyqırımı tariximizin faciəli səhifələrindən biridir.
Bakı şəhərində və Bakı quberniyasının müxtəlif bölgələrində, eləcə də Şamaxı, Quba, Xaçmaz, Lənkəran, Hacıqabul, Salyan, Kürdəmir və digər ərazilərdə erməni daşnaklarının və onların havadarlarının silahlı dəstələri tərəfindən azərbaycanlılara qarşı törədilən soyqırımı nəticəsində on minlərlə dinc sakin məhz etnik və dini mənsubiyyətinə görə qətlə yetirilmiş, yaşayış məntəqələri dağıdılmış, mədəniyyət abidələri, məscid və qəbiristanlıqlar yerlə-yeksan edilmişdir.
Ulu Öndər Heydər Əliyev Azərbaycan Respublikasının Prezidenti kimi 26 mart 1998-ci il tarixdə 31 mart Azərbaycanlıların Soyqırımı Günü kimi qeyd olunması barədə Sərəncam imzalamışdır.
Soyqırımı qurbanlarının xatirəsini ehtiramla yad edir, onlara Allahdan rəhmət diləyirik.”
Sonra “Bel ağrıları, Revmatizm əlamətləri arasında oynaqlarda ağrı, qızartı və şişkinlik” haqqında danışıldı.
Bakı şəhər və Azərbaycanın müxtəlif bölgələrindən efirə zəng vuran tamaşaçı sualları cavablandırıldı, problemləri müzakirə olundu.
Verlişin qonağı:
Şəhla Hadıyeva- Tibb üzrə Fəlsəfə Doktoru Revmatoloq.
Yeganə Telmanqızı
XeberTıme.az