Vətəni ailədən öndə tutan bütün türk dünyasının əfsanəvi qəhrəmanı. polad mətinli qəhrəmanımız, Azərbaycanın Milli Qəhrəmanı şəhid general-mayor Polad Həşimovun bu gün 47 yaşı tamam oldu.
Bəli, biz xalq olaraq şərəfli ölümlə hər zaman fəxr etmişik. Ölümün gözünə dik baxa bildiyimiz üçün bu vətən, bu xalq, bu millət nə qədər faciələrlə üzləşsə də yaşamaq əzmini itirməyib.
Bir tarixə, bir əfsanayə çevrilən qəhrəman 1975-ci il yanvarın 2-də Sumqayıt şəhərində sadə, zəhmətkeş ailədə dünyaya gəlmiş Polad Həşimov əslən Qəbələnin Vəndam kəndindəndir. Polad Həşimov Sumqayıt şəhər 34 saylı tam orta məktəbin məzunu olub, məktəbi bitirdikdən sonra Heydər Əliyev adına ali məktəbdə təhsil alır və sonra təhsilini Türkiyədə davam etdirib.
O, Murov və Daşkəsən kimi bir neçə döyüş bölgəsində xidmət edib. Talış yükəkliklərində 7 döyüş postu var. Biri “Polad postu” adlanır. Həmin postu 2016-cı ilin aprelində polkovnik Polad Həşimov azad etmişdi və onun şərəfinə adını vermişdilər. Polad Həşimov 2016-cı ildə aprel döyüşlərində iştirak edir və xəsarət alır. Ona vaxtından əvvəl 2019-cu ildə cənab Ali Baş Komandan İlham Əliyev general rütbəsi verir. Dövlət qüsursuz xidmətlələrinə görə ona ev bağışlamışdı. O da evi şəhid ailəsinə bağışlayır.
2020-ci il 14 iyul səhər saatları...General-mayor Polad Həşimov Tovuz rayonu istiqamətində döyüş zamanı qəhrəmancasına şəhidlik zirvəsinə uçalır. Azərbaycan Ordusunun şəhid olan general-mayoru Polad Həşimov İkinci Fəxri Xiyabanda dəfn olunub. Dəfn mərasiminə minlərlə şəhər sakini ilə yanaşı Polad Həşimovun xidmət etdiyi hərbi hissənin tabor komandirləri, şəhidin əsgərləri, zabitləridə və Polad sevərlər qatıldı.
Polad İsrail oğlu Həşimov göstərdiyi qəhrəmanlığa görə Azərbaycan Respublikasının Prezidenti cənab İlham Əliyevin sərəncamı ilə “Hərbi xidmətdə fərqlənməyə görə” təltiflər verilmişdir:
2001-ci ildə “Azərbaycanın Silahlı Qüvvələrinin 10 İlliyi” yubley medalı.
2002-ci ildə III dərəcəli “Qüsursuz xidmətə görə” medalı.
2003-ci ildə “Hərbi xidmətlərə görə” medalı.
2007-ci ildə II dərəcəli “Qüsursuz xidmətə görə” medalı.
2008-ci ildə “Azərbaycanın Silahlı Qüvvələrinin 90 İlliyi” yubley medalı.
2009-cı ildə “Vətən uğrunda” medalı.
2013-ci ildə “Azərbaycanın Silahlı Qüvvələrinin 95 İlliyi” yubley medalı.
2012-ci ildə I dərəcəli “Qüsursuz xidmətə görə” medalı.
2014-ci ildə “Vətənə xidmətə görə” ordeni.
2016-cı ildə II dərəcəli “Vətənə xidmətə görə” ordeni.
2017-ci ildə “Azərbaycanın Silahlı Qüvvələri Veteranı” medalı.
2018-ci ildə “Azərbaycan Ordusunun 100 illiyi” yubley medalı.
General-mayor Həşimov Polad İsrayıl oğluna Azərbaycan Respublikası Prezidentinin 9 dekabr 2020-ci il tarixli Sərəncamı ilə ölümündən sonra “Azərbaycanın Milli Qəhrəmanı” fəxri adına layiq görülüb.
Polad Həşimov unikal general idi və onun vəfatı cəmiyyət üçün böyük itki idi.
3 övladı bizə yadigar qaldı: iki oğlu, bir qızı.
Ruhunuz şad olsun! 30 illik qisas yanğısını Azərbaycanın Müzəffər Ordusu 44 günə tamamladı. Canını qurban etdiyin Azərbaycan torpaqları işğaldan azad oldu. Biz sizn kimi şəhidlərin qanı bahasına Zəfər çaldıq. Ruhunuz qarşısında baş əyirik.
Adınız Fəxrimizdir cənab general, bütün türk dünyası sizinlə fəxr edir. Yeni yaşınız mübarək cənab general-mayor!
Qəhrəmanlarımızı unutmayaq ki, unudulmayaq!
Yeganə Telmanqızı
“XeberTıme.az”