Tacəddin İsmayılzadə 44 günlük Vətən müharibəsində Ağdam, Füzuli və Cəbrayılın azad olunmasında igidliklər göstərərək şəhidlik zirvəsinə ucalmişdir.
Bu döyüşlərin birində ağır yaralanaraq 128 gün koma vəziyyətində qalaraq olum və ölümlə mübarizə aparan nur üzlü qeyrətli ogulun bu gün anım günü- il donümüdür.
Tacəddin İsmayılzadə Sumqayıtda Şəhidlər xiyabanında uyuyur. Onu da qeyd edim ki, qardaşım oğlu Asiman Allahverdiyev də Sumqayıt Şəhidlər Xiyabanında Tacəddin balamızla yanaşı əbədiyyata qovuşublar. Hər bir şəhid mənə doğma və əzizdir. Cəmi şəhidlərimizin ruhları şad olsun. Məkanları cənnətdir şəhidlərimizin. Şəhidlər hər zaman xalqımızın yaddaşında əbədi yaşayırlar. Xüsusilə qeyd edim ki, beynəlmiləl və gənclər şəhəri kimi danıdiğımız Sumqayıt şəhər sakinləri və səhər icra hakimiyyəti rəhbərləri həqiqətən də şəhid ailələrinə, qazilərımızə daha çox diqqət və qayğı göstərirlər. Şəhid Ailələrinə Sosial Dəstək ictimai birliyinin sədri, şəhid ailəsi Almaz Zeynalovanın təşəbbüsü ilə Şəhidlərimizin əziz xatirəsinə həsr olunmuş “Həkəri” qəzetinin xüsusi buraxılışını çap edərək Qəhrəmanımızı dünyaya tanıtmağı özümüzə mənəvi borc bildik.
Şəhidlər qururumuz , and yerimizdir. Səhidlər cənnətlə müjdələnmis və Allahın pak bəndələridirlər. Cəmi şəhidlərimizə Allahdan rəhmət diləyir, ailə üzvlərinə, doğmalarına səbr diləyirəm. Şəhid Tacəddinin və Anası Aygün xanımın dilindən bu şeiri ürək ağrısıyla yazaraq diqqətcil oxucularımla paylaşıram .
Şəhid Tacəddinin dilindən ;
Elə bil xəyalda, yuxudayam mən,
Mənim yoxlugumu hiss etdin ,ana!
Gozlərin axtardı,tapmadı məni,
Səni sənsizlikdə hiss etdim ,ana!
Arayıb, axtarır gözlərim gəzir,
Səbrin də qalmayıb dözürsən, ana!
Ağlama, göz yaşın qəlbimi üzür.
Məni xəyallarda gəzərsən, ana!
Şəhidlər qanıyla tarix yazırlar,
Bizi böyütmüsən mübariz, mətin.
Poladdan yazırlar, məndən yazırlar,
Şəhidlik zirvəsi çətindir, çətin.
Aygün ananın dilindən;
Yüz iyirmi səkkiz gün komada qaldın,
Dözərmi bu hala anan, gəl, bala!?
Düşməndən vətənin qisasın aldın,
Gələrəm yanına əziz gül balam.
Sən tarix yazmısan öz al qanınla,
Qorudun yurdumu o pak canınla
Fəxr edir xalqımız məğrur adınla ,
Cənnətə ucaldın , Tacəddin balam.
Rauf İlyasoğlu ,
" Həkəri " qəzetinin baş redaktoru.