Təhməzov Pərvin İlqar oğlu 22.01.1997 ci ildə Sumqayıt şəhərində anadan olub.Bir yaşından yeddi yaşına qədər Sumqayıt şəhər 64 saylı məktəbə qədər uşaq bağçasına getmişdir.
Birinci sinifdən on birinci sinfə qədər Vaqif İbrahimov adına Sumqayıt şəhər 35 saylı tam orta məktəbində təhsil almış və orta məktəbi bitirdiyi ili Qərbi Kaspian Unverstetinin filologiya üzrə ingilis dili fakültəsini də uğurla başa vurmuşdur.
4 il bakalavr təhsili almışdır.Ali təhsilin başa vurduqdan sonra 13.07.2020 ildə həqiqi hərbi xidmətə cagirilmişdır. Hərbi xidmətini Goranboy rayonunun Aşağı Agca kəndində yerləşən " N" saylı hərbi hissədə başlamışdır.
27 Sentyabr 2020 -ci ildə başlayan vətən uğrunda döyüşlərdə mərdliklə sinəsini sipər edərək Kəlbəcər, Ağdərə Suqovuşan, Ağuçuq istiqamətlərində gedən döyüşlərdə igidliklər göstərmişdir.
01.10.2020 ci il tarixində Şəhidlik zirvəsinə ucalmışdır.
2 ay 10 günün əsgəri olan Pərvin qəhrəmancasına şəhid olmuşdur. Qızğın döyüş vaxtı yaralı əsgər yoldaşlarını düşmənlə üz-üzə neytral zonadan çıxardarkən özü də şəhid olmuşdur.
Anası Əsli xanımın dilindən; " Pərvin çox qabiliyyətli,təfəkkürlü və istedadlı idi.
Övladım olduğu üçün demirəm, həqiqətən çox vətənpərvər,ağıllı uşaq idi.
Bir dəfə də görmədim ki,böyüyün sözün qaytarsın, heç kimin xətrinə dəyməzdi. Pərvinin belə bir sözü var idi ki, ana,bir qarışqanı yarada bilmirsənsə,onu öldürmək olmaz.Qarışqanı da yaradan Allahdır.
Pərvinin arzuları ürəyində qaldı. Pərvin Dövlət Təhlükəsizlik xidmətində işləmək istəyirdi. Mənə deyirdi ki, ana, sən ömrü boyu əziyyət çəkmisən, zəhmətkeş olmusan.Hər çətinliyə sinə gərərək bizi min bir əziyyətlə böyüdüb boya- başa çatdırmısan. Analar anası olmusan.
Allah qoysa, isə girim , qoymayacağam ki,əlini isti sudan soyuq suya vurasan. Bəsdir. İndi biz gərək sənin əziyyətini çəkək. Çox qədirbilən övlad idi. Uzaqgörən və təmkinli, xüsusilə də çox səbirli idi.Allah ona o qədər səbr vermişdi ki. Deyərdi ki,ana, hər şeyi gərək səbrlə həll edəsən.
Mən bir zaman haqsızlığa, qanunsuzluğa uğramışdım.İşimlə əlaqədar gedib gəlirdim.
Mənə deyirdi ki,ay ana, sən nə qədər mübariz qadınsan,mübariz anasan. Dediyindən dönmürsən. Daima irəli gedirsən.
Nə bilim, vallah, Pərvin nə yaşadı ki, nə də görə. Vətənpərvər oğul idi.Pərvin kimi övladların görəcəyi gözəl günlər bundan sonra idi.
Sonda onu demək istəyirəm ki,mən fəxr edirəm ki,elə bir oğulun anasıyam. Elə bir övlad yetişdirdim ki, cəmiyyətə, vətənə dövlətimizə yararlı övlad oldu."
Əziz şəhid anaları! Başınızı uca tutun.Şəhidlərimiz Allahın ən sevimli bəndələridir.Şəhidlərə dövlətimiz, xalqımız hər zaman hörmətlə, ehtiramla yanaşırlar.
Ali Bas Komandanımız, Azərbaycan Prezidenti İlham Əliyevin Sərəncamı ilə Pərvin Təhməzov " Cəsur döyüşçü, Vətən uğrunda , Müharibə iştirakçısı və Suqovuşan medallari ilə təltif olunmuşdur.
Əsrlər, qərinələr keçəcək,lakin şəhidlərimiz heç zaman unudulmayacaqdır.
Raif İlyasoglu “XeberTıme.az” 
