Şəhidlər sınmayan vüqarımızdır.
44 günlük Vətən savaşı 30 illik işğala son qoymaqla tarixə Böyük Zəfərlə yazıldı. Bu Zəfərin qazanılmasında minlərlə Vətən oğlu qəhrəmanlıq, igidlik nümunələri göstərdilər. Belə cəsur oğullardan biri də Sumqayıtda doğulub boya-başa çatan illərlə hərbidə qüsusrsuz xidmət edən gizir şəhid Elmar Şirzad oğlu Nəsibovdur.
Bu gün vətənimizin bir parçası olan Qarabağımızın azad olunmasında vuruşaraq qəhrəmanlıq səlnaməsi yazan və hərbi qulluqda müstasna xidmətləri Elmar Nəsibovun doğum günüdür. Tədbir Sumqayıt şəhər Şəhidlər Xiyabanında şəhidin məzarını ziyarət ilə başladı, şəhidlər ehtiramla yad olundu, ruhlarına dualar oxundu, Allahdan şəhidlərimizə rəhmət, ailələrinə səbr diləndi. Ziyarətdə iştirak edən şəhid anaları, ataları, şəhidin ailə üzvüləri, doğmaları, yaxınları, media nümayəndələri, bir sıra ziyalılar şəhidlərin qəhrəmanlıq tarixindən, qalib Azərbaycandan fəxrlə danışdılar. Şəhidin xidmət etdiyi hərbi hissənin hərbiçiləri, ailə üzvüləri Elmar Nəsibov haqqında xoş xatirələrdən söhbət açdılar. Vətən müharibəsi şəhidi Abdulla Əhmədovun atası Hacı Əhməd Əhmədov yazdığı şeirləri söylədi, mahiyyəti olduqca böyük olan şeirlər fəxrlə dillənildi.
Məzarın üstünə tər çiçəklər düzüldü, gül əkilisi qoyuldu. Sumqayıt şəhər 7 saylı tam orta məktəbdə şəhidin adını daşıyan sinifin şagirdləri və müəllimlər ziyarətdə iştirak etdilər, şagirdlər vətənə, şəhidlərə, Azərbaycana aid şeirlər söylədilər.
Tədbir şəhidin adına açılan ehsan süfrəsində davam etdirildi.
Şəhidlərimizin əziz xatirəsini daima hörmət və etiramla anacayıq.
Qəhrəmanlarımızı unutmayaq ki, unudulmayaq!
Yeganə Telmanqızı
XeberTıme.az