Şəhidlər şəhidlik zirvəsinə ucalmaqla ölümsüzləşdilər.
Anım tədbiri Sumqayıt şəhər Şəhidlər Xiyabanından başlandı. Şəhidin ailə üzvüləri, şəhər ictimayyəti, şəhid anaları, ataları, Qarabağ qaziləri, media nümayəndələri, din xadimləri, şəhər ictimayyəti şəhidin məzarını ziyarət edib, üstünə tər güllər düzdülər, şəhidin ruhuna dualar oxunub, Ulu yaradandan şəhidlərimizə rəhmət, ailəsinə, doğmalarına səbr dilədilər. Anım günündə Sumqayıt şəhər Bülbül adına 2 nömrəli Uşaq İncəsənət Məktəbinin bir sıra müəllimləridə iştirak edirdilər. Məktəbin direktoru Samir İsmayılovun və pedoqoji kollektivin adından şəhidin xalası Maya xanıma baş sağlığı verdilər.
Anım tədbiri şəhidin adına açılan ehsan süfrəsində davam etdi.
Vətən müharibəsində şəhidlik zirvəsinə ucalan Akif Cabbarov 2020-ci il oktyabrın 25-də Füzulinin Alıxanlı kəndində şəhid olub, oktyabrın 29-da Sumqayıt Şəhidlər Xiyabanında canı qədər sevdiyi torpağa tapşırılıb. Azərbaycan Respublikasının prezidenti İlham Əliyev tərəfindən Cabbarov Akif Elxan oğlu ölümündən sonra “Vətən uğrunda” və “Füzulinin azad olunmasına görə” medalları ilə təltif edilib.
Qəhrəmanlarımızı unutmayaq ki, unudulmayaq!
Yeganə Telmanqızı
XeberTıme.az
Yeganə Telmanqızı
XeberTıme.az